A miña tempada 2009 rematou. O ano dou para moito. Este pasado domingo puxen un bonito final correndo en Santiago. O meu estado de ánimo non era o mellor. Un pouco de melancolía pola tempada que remata e porque a conta atrás vai avanzando ata que un día chegará o fin. Outro ano deportivo que se vai, pero outro virá con novas cousas.

O luns chamoume o meu amigo Txema. Mira o xornal, saes na primeira plana. Qué me dis. Pois a casualidade da foto colleume de cheo. Ahí estou, coa nosa equipación “TRI LALIN”. Lucindo o noso escudo, o triskel. Increíble. A verdade é que decidín sair o máis adiante posible, e menos mal que non caín, porque se me pasa a multitude por riba…

Agora podía escribir sobre o espectacular día de deporte popular que vivimos, podía mencionar a cantidade de amigos que saudei, podía mencionar que os nosos tempos son cada vez mellores. Pero hoxe só quero dicir que me sinto moi contento por seguir adiante, síntome libre, síntome feliz.

Onte participamos na maratón do Miño. Ourense foi o escenario doutro día de atletismo.  Esta vez o reto consistía en facer unha maratón en tres relevos de 14 kilómetros cada un.

O noso equipo acadou o posto 22 de un total de 214 inscritos, o que creo que foi unha boa actuación. O primeiro relevo fíxoo Fran. A segunda posta fíxena eu e finalmente Ricardo rematou a tarefa deixándonos excelentemente clasificados.

O trio formado por Txema, Javier e Brea fixo tamén un bo percorrido firmando a posición 78. Destacar que Txema e Javier fixeron outra volta máis ao percorrido para seguir avanzando na súa preparación para a Maratón de Donostia. Igualmente fixo Fran, que lle dou tamén dúas voltas sumando 28 quilómetros percorridos. Estes corricolaris son verdadeiramente incansables.

Agora o reto trasládase ao próximo domingo. A praza do Obradoiro nos espera. A carreira pedestre popular Camiño de Santiago será outro ano máis, escenario doutro día de deporte e amistade.

O domingo en Santiago, pecharei a miña tempada 2009. Gustaríame poñer un broche de ouro a este ano. Sairei a lume de carozo para tentar acadar unha nova plusmarca personal nesta carreira. Será difícil, pero loitarei por este pequeno novo soño.

Onte, domingo 11 de outubro, participamos na carreira popular A Coruña 10. Trátase de dez mil metros de carreira a pé polo paseo marítimo coruñés. Gustoume o percorrido ideal para facer boa marca.

En canto aos tempos que fixemos destacar o seguinte:

- Gañou a carreira o keniata Peter Kirui cun tempo de 28 minutos e 9 segundos.

- Ricardo Vazquez Vaamonde da Escola de Atletismo Deza fixo unha gran actuación rematando na posición 23 cun tempo de 33 minutos 24 segundos.

- Oscar Pereiro o ciclista galego gañador dun Tour de Francia entrou na posición 185 cun tempo de 38 minutos 47 segundos.

- Jose Carlos Picallo do Club Triatlón Lalín fixo a posición 205 marcando 39 minutos e sete segundos.

- Emilio Ferreiro Herves do Club Triatlón Lalín rematou na posición 235 cun tempo de 39 minutos 35 segundos.

- Antonio Diaz Meigenjo do Club Triatlón Lalín entrou no posto 267 cun tempo de 40 minutos e un segundo.

- O meu tempo foi 40 minutos e oito segundos no lugar 274. Non dou baixado dos 4 minutos por quilómetro.

- Javier García Gil con 41 minutos e catro segundos rematou no lugar 342.

- Jose María Garagorri Jimenez fixo 45 minutos e 35 segundos na posición 747.

Unha bonita carreira, das que deixan bo sabor de boca. Agora iremos a Ourense e despois a Santiago.

Outro ano máis non faltei a cita. Son xa seis edicións consecutivas participando na Ruta a Lalín en BTT. Ven sendo o día das miñas últimas pedaladas da tempada. Ademáis vaise configurando como un punto de reencontro con un montón de amigos e compañeiros.

Os do Club Triatlón Lalín estivemos presentes no evento. Así a parte da miña participación estivo Agustín, Txiki, Paco Mosquera, Carlos Picallo, e Requeixo.

A organización desta ruta é impecable. Hay que recoñecer o traballo e o coidado posto en cada detalle do percorrido. Non se toca prácticamente o asfalto e a beleza dos camiños e do seu entorno é espectacular. Particularmente disfrutei nos tramos de senda estreita antes de chegar a Dozón, e tamén da reapertura do camiño de Seixas ao Navallo. Un esforzo titánico o da organización que é de xustiza recoñecer.

Fotos dos deportistas do Club Triatlón Lalín na ruta:

- Agustín

- Txiki

- Picallo

- Paco

O sábado 3 de outubro participamos na carreira pedestre popular do Carballiño. Alá nos fomos catro corricolaris, tres lalinenses e un indíxena do Carballiño.

A proba tiña 7 quilómetros 800 metros. Comentaban que o percorrido era chan, pero non foi tal. Había dous quilómetros de baixada ata o pé do río Arenteiro e despois todo picaba cara arriba, con algún sobe e baixa que fixo que rematásemos bastante cansos.

Pero os tempos van saindo. No meu caso particular rematei na posición 29 cun tempo de 31 minutos e 19 segundos, a un ritmo de 4 minutos por quilómetro. Francisco Dominguez Zufiaurre, Fran, fixo o posto 43 cun tempo de 32 minutos e oito segundos. Javier Garcia Gil rematou no lugar 43 cun tempo de 33 minutos e nove segundos. Jose Maria Garagorri Jimenez, Txema, marcou 35 minutos e 29 segundos.

A carreira foi bonita. A zona do Arenteiro está ben para correr. Os dous primeiros quilómetros invitaban a ir deprisa, pero despois a cousa poñíase algo máis difícil.

O próximo domingo pode ser boa idea ir A Coruña a correr un 10 mil. Vamos a ver.

Ricardo Vázquez Vaamonde foi o flamante vencedor na carreira pedestre popular Virxe das Dores, que rende homenaxe a Vicente Agulló. O atleta da Escola de Atletismo Deza, nun gran estado de forma, cruzou a liña de meta cun tempo extraordinario de 25 minutos e catorce segundos. Xabier Diaz e Carlos Penas completaron o pódium. Cristian Diaz Lorenzo chegou na quinta praza.

Varios integrantes do Club Triatlón Lalín participamos na proba. Así Paco Mosquera, Carlos Picallo, Antonio Diaz, Requeixo e un servidor disfrutamos da competición organizada pola Escola de Atletismo Deza. Paco Mosquera finalizou no posto 31 cun tempo de 28 minutos e 53 segundos. Antonio González Datorre fixo a posición 34 cun tempo de 29 minutos e 24 segundos. Carlos Picallo parou o crono en 29:39 na praza 37.

En canto a miña actuación, decir que acadei o obxectivo de rematar por debaixo de 30 minutos, así fixen a posición 43 cun tempo de 29:59. Mellorei a miña marca do ano 2007 en máis de dous minutos.

Tamén estaban competindo os meus amigos Txema e Javier, que andan a preparar o maratón de San Sebastián. Seguro que en Donosti farán grandes marcas. Txema ven experimentando unha mellora sustancial nos seus tempos e así comentoume que case rebaixou en catro minutos o seu tempo do ano pasado nesta mesma carreira. Javier ten moito pulmón e capacidade para ser un gran corredor. Desde este blog seguiremos atentos a súa progresión.

El domingo día 13 de septiembre participamos en el Triatlón de Sanabria. Viajamos a la localidad de Santibáñez de Vidriales, lugar en el que estaba el centro operativo de la carrera. La estepa zamorana fue el escenario de esta interesante competición que exige un gran esfuerzo para afrontarla.

Tres mil metros de natación en el Lago de Sanabria. 82 kilómetros de ciclismo y 20 km de carrera a pié. Es un triatlón doble olímpico.

Victor Soto, en un grandísimo estado de forma, hizo una formidable actuación. Destacar su buen sector de natación y ciclismo, pero especialmente se lució en la parte final de carrera a pié.

Por mi parte, decir que logré finalizar. Al pasar la línea de meta estaba bastante destrozado, pero contento por poder afrontar una prueba de esa dificultad y por llegar al final. Nunca había nadado 3000 metros de natación y lo llevé bastante bien, es agradable nadar en el Lago de Sanabria, eso sí, empleé 1 hora y 13 minutos para completar la natación. En la bici decidí ir a fondo, logré remontar varias posiciones. En la carrera a pié me hundí totalmente, pero pude llegar al final.

Es mi tercer triatlón de larga distancia, Lisboa, Zarautz y Sanabria. Una buena triología que logré completar esta temporada. Puedo estar satisfecho. Quizás tenga que reflexionar sobre el futuro. Mi capacidad física tal vez no alcance para afrontar este tipo de pruebas dando un mejor nivel. El siguiente paso sería lograr terminarlas en menos de 5 horas, pero no sé si mi motor dará para eso.  Sólo hay una manera de saberlo, seguir entrenando y compitiendo.

Esta pasada fin de semana, celebráronse en Cangas do Morrazo os Campeonatos de España de Triatlón. O Club Triatlón Lalín presentou o seu equipo a cita máis importante do calendario nacional e loitou polos títulos de Campeón de España que estaban en xogo. Cómpre lembrar que para participar houbo que obter a clasificación nas probas previas que servían para obter o pasaporte que daba acceso a poder correr na carreira final, e o Club Triatlón Lalín lograra clasificar a varios dos seus integrantes.

Nas probas do sábado, para grupos de idade, participaron polo Club Triatlón Lalín Miguel Varela, Agustín Crespo e Victor Soto. Lástima do pinchazo na roda dianteira de Miguel Varela cando ía facendo un sector de ciclismo espectacular. Sí remataron a proba con boa actuación Victor Soto e Agustín Crespo.

E na proba raíña, a carreira Élite, participou Antonio González Datorre. O mérito de poder competir polo título de Campeón de España xa é monumental, pois Antonio logrou a clasificación para estar alí. Soamente mencionar que, entre outros, tomaban a saída un tal Javier Gómez Noya e tamén Iván Raña. Os mellores de España estaban nesa carreira, e resulta que varios deles foron en moitas ocasións os mellores do mundo. Antonio logrou finalizar a proba sin que os dobraxes que ía facendo Gómez Noya o alcanzasen.

Destacar o 26º posto acadado polo Club Triatlón Lalín na clasificación final por equipos. Podemos decir que somos o vixésimosexto Club de España, a pesar de ser un equipo modesto, un grupo de amigos que entrena e compite o mellor que pode sacando o tempo e os recursos de onde non os hai. Creo que podemos estar orgullosos e contentos co feito esta tempada.

Fotos:

- Agustín Crespo rematando o primeiro sector de natación de 1500 metros.

- Agustín Crespo no sector ciclista. Un auténtico espectáculo de forza e potencia sobre a bicicleta. Derrapaxes na frenada do punto de xiro e arrancadas brutais. Impresionante.

- Miguel Varela no sector ciclista. Outro auténtico espectáculo ver a remontada que sempre fai na parte ciclista. Lástima do pinchazo.

- Victor Soto no punto de xiro da parte ciclista de 40 quilómetros de percorrido.

O Xacobeo Galicia gañou a clasificación por equipos na Volta a España 2009. Unha grandísima actuación con victoria de etapa incluída e con presencia constante nas fugas. Ezequiel Mosquera finalizou en quinta posición despois de sufrir varias caídas e un pinchazo na crono. Malia a todo o seu infortunio, amosou a súa calidade ciclista e foi un dos ciclistas máis aplaudidos polos afeccionados que recoñeceron o seu esforzo e bo facer nesta Vuelta.

Esperemos que haxa continuidade do proxecto Xacobeo Galicia. Rendabilidade publicitaria e deportiva avalan a inversión posta neste equipo. O da rumoroloxía non deixa de ser algo de moi mal gusto, porque o equipo ciclista Xacobeo Galicia baseouse no bo facer de todos os seus integrantes e no traballo e sacrificio constante.

Alejandro Valverde foi o vencedor absoluto da Vuelta a España 2009. Unha victoria merecida, cimentada na calidade de Valverde e na consistencia do seu equipo. No podium estiveron Samuel Sanchez, que loitou sempre ata o límite das súas forzas. Terceiro Cadel Evans, que non tivo sorte nalgún momento clave da carreira. Destacar tamén o cuarto posto de Ivan Basso, o quinto de Ezequiel e a boa actuación do holandés Gesink. Nos sprints mandou André Greipel.

A Vuelta 2009 ofreceu un bonito espectáculo.

Gran etapa a de hoxe na Vuelta a España. O Xacobeo Galicia lanzou un potente ataque. Alvaro Pino moveu maxistralmente ao equipo. Así, mentras ía por diante David García marcando ao corredor do Garmin , o canadiense Hesjedal, por detrás atacou Ezequiel Mosquera e de seguro que a idea era a de enlazar co seu compañeiro para entre os dous facer distancia con respecto a os demáis favoritos. Faltou un chisco para que esto se producira. Mágoa. Porque ao final despois de traballar a fondo e ben, non se acadou a victoria de etapa e Ezequiel conseguiu tan só dez segundiños con respecto ao resto de favoritos.

Mañá hai outro día durísimo de montaña. O Xacobeo Galicia seguirá atacando.

Forza Xacobeo!