Este sábado, día sete de agosto, os equipos que presentaron os atletas da comarca do Deza ao Triatlón por equipos Vila de Allariz, coparon as tres primeiras posicións na proba.
Así no primeiro caixón do podio quedou a formación LALIN B integrada por Ivan González Datorre que fixo a natación, Agustín Crespo Ferreiroa que fixo o sector de ciclismo e Cristian Díaz Lorenzo que completou o sector de carreira a pé.
No segundo escalón do podio quedou o equipo Lalín C integrado por Antonio González Datorre, Miguel Varela e Emilio Montilla.
En terceira posición rematou o equipo Lalín A formado por Elías Fernández Couso, Javier Nercellas e Pepe Nercellas.
O cuarto equipo clasificado quedou a catro minutos do terceiro tempo marcado polos de Lalín, o que indica a clara superioridade dos conxuntos presentados polos deportistas da comarca do Deza. Asimismo lograron vencer nos tres sectores disputados, natación, ciclismo e carreira a pé froito de poñer en cada proba aos mellores especialistas.
Esta é unha mostra do altísimo nivel dos deportistas da comarca nesta disciplina. Os integrantes do Club Triatlón Lalín intensifican os adestramentos para as últimas citas que restan da tempada (foto adxunta).