O camiño de inverno é unha ruta alternativa que empregaban os peregrinos que ían cara a Santiago de Compostela coa idea de padecer con menor intensidade o rigor da climatolixía invernal. Así os peregrinos cando chegaban a Ponferrada podían tomar esta vía de peregrinaxe alternativa, e ir facendo camiño por altitudes máis baixas, buscando o val do río Sil e continuar polo sur de Lugo, pasando por Chantada e Rodeiro, para logo en Lalín, continuar cara a Santiago seguindo a Vía da Prata. Escollendo este itinerario, os peregrinos sorteaban os cumes nevados do Cebreiro e evitaban cruzar os ríos do val de Valcárcel que frecuentemente sufrían desbordamentos.
– O Camiño de Inverno na comarca do Deza.
Este camiño entra na comarca do Deza polo alto do Faro, procedente de terras de Chantada. Baixa logo polo val de Camba e segue por Río cara a Rodeiro. Dende alí continúa a peregrinaxe xunto ao río Arnego, pasando por Penerbosa e Penelas ata a ponte de Pedroso. A ruta continúa logo ata Lalín onde enlaza coa Vía da Prata ata Santiago.
LUGARES DE INTERESE:
1.- Pazo de Camba
2.- Pendellos de Río
3.- Concello de Rodeiro.
4.- Río Arnego
Buscando na liña do ceo. 